ОЕТУ I ф. з.-сыз 1) Йокы китерү, йокыга талдыру, изрәтү. Оета бугай бишекне Баланың җылы пары. М.Әгъләмов. – Мендәргә генә утырып килгәндәй килсәм дә, карт сөяк бит, улым, оеткан ахры, – дигән булды карчык ---. З.Фәйзи

2) Онытылдыру, үз-үзеңне тоймау хәленә китерү. [Ярашовичның] кына төшерелгән тырнаклары, --- сыгылмалы зифа гәүдәсе, оетып кына йөреше, балдан татлы тавышы нәкъ алиһәләрнеке төсле! Ш.Рәкыйпов

Оета башлау Оетырга тотыну. Курай моңы аны оета башлады. Г.Гыйльманов

Оетып җибәрү Бераз оету. Әйдә, әнкәй! Әллә юл оетып җибәрдеме? З.Фәйзи. Оетып җибәргәндәй итте. Г.Гыйльманов

Оетып тору Даими оету. Күңелне оетып тора. Г.Гыйльманов