НИ’БАРЫ кис. 1) Ниндидер бер күплектән аеруны, чикләүне белдерә; бары тик, тик, бары, фәкать. Күз күрмәгән, колак ишетмәгән цех ишегеннән беренче мәртәбә атлап кер, берни белмә, үзең нибары өйрәнчек кенә бул, ә шулай да ниндидер начальник кисәге булып йөр!.. Ә.Еники. [Дильяр:] Мин – нибары сезнең оста уеныгызга таң калган тамашачы гына... Р.Сабыр. Юк, үлмәгән әнкәй, югалмаган, Суга гына киткән нибары. Р.Чурагул

2) Күләмне белдергән сүзләр (гадәттә саннар) янында килеп, аларның шуннан артмавын белдерә. --- кабер тәмамланмыйча, нибары бер аршин тирәнлегендә генә казылган иде. З.Бигиев. Бу якты дөньяда нибары егерме дүрт ел яшәгән ул. В.Нуруллин. Бу чакта Шорага нибары унике яшь була. Ф.Урманче