НАСЫ’ЙП ИТҮ ф. к. насыйп булу. --- авыл кешеләрен тәмле ризык белән сыйларга күнеккән Хәйриягә үз улының туена аш-су әзерләргә насыйп итмәде. М.Хуҗин. Үзен күрергә насыйп итмәсә дә, хатыны Илзия, кызы Мәрьямне күрдек. Татарстан яшьләре

◊ Насыйп итсә к. насыйп булса. Насыйп итсен к. насыйп әйләсен. Тыныч картлык насыйп итсен Ходаем. Г.Тукай. Читтә яшәп, ялгыз картаерга Беркемгә дә насыйп итмәсен. Р.Байтимеров