МОНОГРА’ММА и. гр. 1) Ике яки берничә хәрефнең үргән сыман итеп, бер-берсенә бәйләп, бизәкләп язылган, чигелгән һ.б. сурәте. Вензель – исем белән фамилиянең яки ике исемнең бер-берсенә нәфис итеп уратып язылган баш хәрефләре (монограмма). М.Вәлиев

2) Шундый ысул белән язылган хәрефләр, сүзләр яки инициаллар, шартлы билгеләр. Әйе, капитан әфәнде, хатын-кыз кулъяулыгы. Монограммасы да бар. Т.Гыйззәт. Кешенең исеме, атасының исеме, нәсәбатыннан (фамилиясеннән) торган монограмманы да төрле сурәтләр рәвешендә язып була. Н.Гамбәр. Һәр чәнечкенең сабында бизәкләп язылган монограмма. М.Юныс