МИШӘРЛӘШҮ ф. сөйл. Мишәрләргә хас сыйфатлар барлыкка килү, шуның тәэсиренә бирелү. Шуңа күрә монда мишәрләшү акрынлабрак башлана һәм мишәрләргә якын татарларда шактый мишәрлек сизелә. Җ.Вәлиди

Мишәрләшә бару Торган саен ныграк мишәрләшү. Мишәрләшә баруымны үзем дә сизмәдем мин ---. А.Нуруллин

Мишәрләшә башлау Мишәрлек билгеләре сизелү

Мишәрләшеп бетү Тәмам, бик нык мишәрләшү. Авылда яшәгәндә, мин бөтенләй мишәрләшеп беттем, кызым, --- сөйләшүемнән дә сизгәнсеңдер. Сөембикә