МИҺЕРБАН и. фар. Йомшак күңел, мәрхәмәт, рәхим-шәфкать, кешелеклелек. Ата-бабадан калган миһербан үзе шулай куша. Ә.Баян. Даладан миһербан көтеп булмый, иң башлап ипле мөнәсәбәт кирәк аңа... М.Хуҗин. Карап торам, күзеңдә мыскал да миһербан әсәре юк бит син шайтанның... А.Хәсәнов

◊ Миһербан иясе Рәхимле, шәфкатьле, яхшы күңелле кеше турында. Режиссёрларның уңышына сөенә, яманына көенә торган киң күңелле, миһербан иясе була ул [К.Тинчурин]. Р.Батулла. Миһербаны килү Күңел йомшару, шәфкатьлеләнү. Әтинең миһербаны килде, соң булса да, үз хатасын тануын әйтте. Г.Галиева