МЕТА’ЛЛИК с. 1) Металл формасында булган; металл үзлекләренә ия булган. Металлик рутений һәм осмий кислоталарга һәм аларның катнашмаларына чыдам була. Г.Хисамиев. Кисәкчекләр (атомнар, ионнар, молекулалар) арасындагы тәэсир итешү көчләренә бәйле рәвештә, кристаллар биш типка – ионлы, атомлы, металлик, молекуляр, водородлы бәйләнешле кристалларга бүленәләр. Физика

2) Металлдан торган; металл (2 мәгъ.). Металлик детальләр