МАССИВ II с. 1) Бик зур, авыр, күләмле. --- Прибытков кабинеты. Бик зур ишекләр, массив канделябрлар, барокко стилендәге җиһаз – барысы да үтә зиннәтле, үтә тантаналы, тәэсир итә торган. И.Илялова. Белгечләр исәпләвенчә, бу кратер Тефиянең бик массив җисем белән бәрелешүеннән барлыкка килгән булырга тиеш. Галәм. Җир. Кеше. [Үрмәкүчнең] Тәне ике бүлектән – башкүкрәк һәм массив корсак өлешеннән тора. Татарстанның үсемлекләр һәм хайваннар дөньясы

2) геол. Җир кабыгында эрегән магмадан барлыкка килгән тоташ, бер төрле магматик (тау токымнары)