МАСОН и. фр. Масонлык тарафдары. --- партия байлары безнең масоннар белән тигезләшүебез өчен үпкәләргә мөмкиннәр, шайтан алгыры. Р.Мирхәйдәров. Ул Сабит Садыйкович авызыннан үз гомерендә беренче мәртәбә «масон» дигән ят сүз ишетте. З.Хөснияр. --- дөнья белән кем идарә итә, дигән сорауга җавап эзли-эзли, масоннар белән дә нык кызыксынган, үзе әйткәнчә, әдипләр белән дә аралашкан, татарның чын тарихын яхшы белгән Мөхәммәт аны барыбер аңлый алмый. Р.Шәрәфиев