МАЙСЫЗ с. 1. Мае бик аз, җитәрлек түгел яки бөтенләй булмаган. Майлы булсын, майсыз булсын – Барыбер күңел кайта; Көн дә ботка ашап булмый: Туйдыра, маемлата. Л.Лерон. Ләлә ботка ашамый: Ботка аңа ошамый. Әллә майсыз булганмы? Өстәл җайсыз булганмы? М.Газизов. Майсыз дуңгыз итенә ихтыяҗның артуы селекционерлар алдына --- дуңгызларның ит сыйфатларын яхшыртуның яңа методларын булдыру бурычын куйды. Татарстанда терлекчелек

2. рәв. мәгъ. Май салмыйча, май кулланмыйча. Ризыкны майсыз әзерләү

◊ Майсыз табада куыру Берәүгә карата үзен артык кырыс, таләпчән тоту, һәр теләгәнен, кушканын каршылыксыз үтәп торырга мәҗбүр итү. Майсыз табада сикертү к. майсыз табада куыру