КЫЕРЧЫК и. 1) Икмәкнең читеннән башлап кисеп алынган зур телем; ипи кисәге. Суга чылаткан ипи кыерчыгы ыргыткач алмады, канлы ит кисәгенә риза булды. Ә.Гаффар. [Куян күчтәнәченең] Өйдән алып киткән чәй, өйдән алып киткән ипи кыерчыгы икәнен дә беләм югыйсә, ә барыбер тәме икенче. М.Галиев. Капчыкта – Тукай, Такташ китаплары, бер кыерчык ипи һәм чүлли шешәсенә тутырган сары май. А.Гыйләҗев

2) диал. Икмәк салганда, күәс төбендә калган камырны җыеп пешерелгән кечкенә ипи