КҮӘС и. рус Камыр әчетә торган савыт (гадәттә агачтан була). Карчык --- күәс янына килде. Камыр да матур булып кабарган икән! М.Шаһимәрдәнов. --- [мине] күршеләргә коймак табасына, ипи саласы булса, күәс камырына кертәләр. Г.Сабитов. Кая барып сугылырга белмичә чоланга чыкты, аннан буш күәс күтәреп керде. А.Гыйләҗев

◊ Күәс төбе Күәс төбендә ачыткы өчен калдырылган камыр. Менә, Гөлҗамал абыстай, бу – хәер икмәге, күәс төбен сиңа дип атап әвәләгән идем. М.Гали. Күәс төбен кагу Бөтен эч серен сөйләп бирү