КРЕВЕ’ТКА и. фр. зоол. Унаяклы кыслалар отрядыннан, ашарга яраклы вак кына диңгез хайваны. Су төпләренә ябышкан суүсемнәрдән тыш, биредә матур кабырчыклы төрле-төрле моллюсклар, актиния, ялгыз кысла, креветкалар --- яши. Табигать белеме. Теләсә нәрсә әзерләргә мөмкин: бозау ите, балык, үрдәк, күркә, кысла, креветка, омар, кыздырган бака боты. В.Юныс. Тирәндә яшәүче креветкаларның авызы янында махсус бизләре бар, куркыныч янаганда, аннан яктырткыч болыт чыга. Кызыклы физиология