КӨФЕРЛЕК и. гар. дини 1) Аллага, дингә ышанмау; исламнан, аның кануннарыннан читләшү. Көферлек төшенчәсе потларга табыну, Аллаһны санга сукмау, намаздан баш тарту, сихерчелек, күрәзәчелек, эчкечелек, отышлы уеннар, хак юлдан яздыра торган эшләр, үз-үзеңә кул салу һ.б.ны үз эченә ала. Татар энциклопедиясе

2) күч. Вәгъдәдә тормау, антыңа хыянәт итү; начар эш, ярамаган гамәл. Дөньяда шушындый җаһиллек тә, мөкатдәс саналган бөтен тойгыларны аяк астына таптап мыскыллый торган шушындый көферлек тә булуы мөмкинме? Ш.Маннур

◊ Көферлегем җитте «Тәкъдирдән узып сөйләшүемнең афәте тиде, хур булдым» дигән мәгънәдә