КОНТИНЕНТ и. лат. геогр. Коры җирнең океан белән әйләндереп алынган төп өлешләреннән берсе; материк, кыйтга. Без, суыткычлы трюмнарга зәйтүн мае төяп, Австралиянең Аделаида портына барабыз. Җир шарының безгә капма-каршы ягы, башка континент, башка дөнья. М.Юныс. Континентлар төрле, тик алар да Даирәләр белән бүленә, Кайда – таулар, кайда күле генә Аерым бер дөнья күренә. Ф.Яхин