КОЛХОЗ и. рус 1) Авыл хуҗалыгы эшләрен бергәләшеп алып бару өчен башлыча XX гасырның 30 нчы елларында төзелгән күмәк хуҗалык. [Газетада] «Интернациональная» колхозының шушы ике көн эчендә ун колхоз аша сикереп, районда бишенче урынга менүе әйтелгән. Г.Бәширов. Колхоз тормышын читләтеп үтә алмый язучы. --- М.Мәһдиев колхозларның яхшы якларын да күрә һәм сурәтли алган. Т.Галиуллин. Колхоз басуында инде эш төгәлләнгән, игеннәр амбарга, бәрәңгеләр базга кергән. Казан утлары

2) Шундый хуҗалыкта эшләүче кешеләр коллективы, колхозчылар