КОЛЛЕ’ГА и. лат. 1) Эш, уку, профессия буенча иптәш; хезмәттәш. Коллегам минем үз-үземне тотышымда явыз ниятнең сизелмәвен --- күргәч, тынычланды. Т.Галиуллин. Карташевский немец коллегаларны көч-хәл белән генә тынычландыра алды. Җ.Тәрҗеман. [Яңгура:] Рәхмәт сезгә, Әбүзәр Гиреевич. Коллегалар алдында сез мине күтәрдегез дә, канатландырдыгыз да. Г.Әпсәләмов

2) Кәсептәш, һөнәрдәш. Фотографның төшеме мин хыялланганча түгел. Казан тирәсендә минем коллегалар көненә иллешәрне сугалар. Г.Мөхәммәтшин