КИРӘ’КМӘГӘН с. 1. 1) Мәгънәсез, урынсыз, кирәкмәс. Бу зур эшнең бер кулда булуы биш томның бөтенлекле булып чыгуына китерә, комментарийларда кирәкмәгән кабатлаулардан коткара. Ф.Галиуллин. – Юк, әни, бармыйм, – диде Рәүфә. – Кайбер хатыннар киләләр дә, эчне пошырып, кирәкмәгән сүзләр сөйлиләр. А.Шамов

2) Чамасыз, кирәгеннән күпкә артык. Житмәсә, хатыны кирәкмәгән матур. Н.Исәнбәт

2. и. мәгъ. Кирәкмәс, урынсыз нәрсә. Кире кирәкмәгәнне сөйләр. Мәкаль