КИПШҮ ф. к. кипшенү (1 мәгъ.). Минем сулышларым кысылды, тез буыннарым калтыранды. Иреннәрем кипшеде. Н.Дәүли. [Сәлимә:] Рөстәм, шаяртма инде, бәгырь! Минем дә бит авызым кипшеде. Ф.Яхин

Кипшеп бару Әкренләп кипшү. Юл кипшеп бара

Кипшеп бетү Тәмам, тулысынча кипшү, кипкән хәлгә килү. Ул бит мине ярата, ярата, Илдархан абый. Белмисез генә, минсез саргаеп, кипшеп бетә ул. Н.Исәнбәт

Кипшеп китү Тиз арада яки кинәттән кипшү; кинәттән кипшегән хәлгә килү. Кояш чыккач, юл кипшеп китте