КИЛӘПЛӘ’Ү ф. Җепне орчыктан киләпкә чорнап, чуалмасын өчен бәйләм итеп урау, киләп ясау

Киләпләп алу Берникадәр генә киләпләү

Киләпләп бетерү Барысын да киләпләү; киләпләүне тәмамлау

Киләпләп йөрү Киләпләү хәлендә булу. Ә менә юкка урам киләпләп йөрүләрне, хәмер, тәмәке ише нәрсәләрне кабул итмәде [Рөстәм] ---. Безнең гәҗит

Киләпләп тору Даими яки әледән-әле киләпләү; киләпләү хәлендә тору

Киләпләп яту Әле, хәзер киләпләү

Киләпли бирү Бернигә дә карамастан киләпләү

Киләпли тору Әлегә киләпләү