КАЙРАК и. 1) Кисү коралларының йөзенә сызып үткерли торган махсус таш. – Ә син, Габделхак, бар әле, – диде һәм башы белән ишеккә таба ишарәләде дә, кайракны малайдан алып, үзе әйләндерә башлады. Г.Гобәй. Чалгысын дымлы үлән белән буйдан-буйга сыпырды, тула оегы кунычына кыстырган агач саплы кайрагы белән аны янап алды. М.Хәсәнов

2) күч. Уңмаган ипидә күпермичә тыгызланып аерылып торган өске яки аскы катысы

◊ Кайрак йөзе күрмәгән Бернәрсәгә дә яраксыз дәрәҗәдә үтмәс, беркайчан да кайралмаган