КАБАК IV и. нем. тар. 1) Арзанлы исерткеч эчемлекләрне ваклап сату, эчү урыны; трактир. Шул рәвештә бер атна – ун көн чамасы Галиәкбәр агай шәһәрнең астын-өстенә китереп, беренче класс рестораннарыннан башлап түбән дәрәҗәдәге кабакка кадәр һич бер зиярәт итмәгән җирне калдырмады. Ш.Мөхәммәдев. Берлинның бөтен-бөтен кварталларын каплап алган кафелар, рестораннар, кабаклар, фәхешханәләр яшиләр. Г.Гобәй. Кабак, түбән пробалы булса да, үзенә күрә бер клуб иде. Реформадан соң кабаклар ябылды. М.Мәһдиев

2) гади сөйл. Ресторан