ЙӨТКЕРТҮ ф. з.-сыз. Ютәл тоту, кат-кат ютәлләтү. [Зәлинәнең] Кинәттән генә температурасы күтәрелеп, бөтенләй хәлсезләнеп калды. Өстәвенә бөтен тамак төбен ертып йөткертә. Ф.Тарханова

Йөткертә башлау Йөткертергә тотыну. Ишек яңагына элгән халатын танымады Наилә, ятсынып кулына алган иде, аннан болыт булып тузан бөркелеп, борын тишегенә тулып төчкертә, йөткертә башлады. А.Гыйләҗев