ИНТЕРВЬЮ и. ингл. 1) Матбугатта бастыру, радио яки телевидение тапшырулары өчен, корреспондентның кем белән булса да сорау-җавап формасында үткәргән әңгәмәсе. Көяз журналист алган интервьюны мәркәз гәзитләре бик нык кыскартып һәм йомшартып баса ---. Мирас. 95 яшь тулган көннәрдә ул [Г.Бәширов] газеталарга интервью биреп, мин һич тә үземне таякка таянып йөрүче карт дип уйламыйм, теләгем – берәр һәйбәт хикәя язу, дигән иде. Сөембикә

2) Кайсы да булса матбугат басмасында урын алган, әңгәмә формасындагы мәкалә. Баягынак язган интервьюларымны укып чыгыйм үзегезгә... С.Баттал

◊ Интервью биреп йөрү Җенси тотнаксыз булу. Мин бит турылыклы хатын. Минем матурлык икенче бер юньсезгә эләксә, ул хатын почмак саен интервью биреп йөрер иде. М.Мәһдиев