ИДАРӘХАНӘ и. гар.-фар. 1) Административ учреждение урнашкан бина. Шагыйрь кайсы вакытта идарәханәгә кесәсенә кузна тутырып килә дә, йорт хуҗаларының балаларын алып чыгып, ишегалдында бик кәефләнеп кузна уйный иде. Ф.Әмирхан

2) иск. Китап, газета-журнал чыгару, аны редакцияләү белән шөгыльләнгән орган, редакция урнашкан йорт, бүлмә. «Әл-ислах» газетасы мөхәррире В.Бәхтияров иртән «Әл-ислах» идарәханәсендә Г.Тукай белән таныша. Г.Камал