ЗОНД и. гр. 1) мед. Авыруга диагноз кую яки дәвалау максаты белән (мәс., дару җибәрү өчен) берәр әгъзага кертелә торган көпшә сыман яки башка төрле медицина коралы. – Әйе. Менә йөрәкнең зонд ярдәме белән алынган снимогы. – Профессор негатоскопны кабызды. Г.Әпсәләмов. – Үпкәсен көнбагыш маенда эретелгән прополис белән юдырып карарга. Начар имгән көннәрдә зонд аша тукландырырга, кан алыштыруны дәвам итәргә, – ди ул [профессор] синең турыда. Э.Шәрифуллина

2) геол. Җир асты катлауларын тикшерә торган борау яки көпшә формасындагы корал

3) махс. Метеорологик күзәтүләр алып бару өчен автомат язу приборы урнаштырылган, зур булмаган һава шары