ЗАМАНА и. гар. Хәзерге вакыт, яшәешнең хәзерге чоры. Заманалар тыныч булса, иртәгә уянып китүеңә, кроватың тулы бүләк булыр иде. Г.Гобәй. Заманалар авыр чагында бер-беребезгә булышыйк, фронтка икмәкне күбрәк бирик, ди. Г.Бәширов. Безнең герой бер үк вакытта замана кешесе дә: телефоны, телевизоры бар, берничә радиоалгычы дөньяның барлык дулкыннарын тота ала… Мирас

◊ Замана кушканча Хәзерге чор таләпләренә туры китереп, чор таләп иткәнчә. Мин исә хатыныма бөтенләй булыша алмадым диярлек, чөнки бөтен көчемне, замана кушканча, илгә хезмәт итүгә бирдем. Сөембикә