ЗАЛП и. нем. Берьюлы берничә утлы коралдан (мылтыктан, туптан) ату. Качу бетмәс борын ук, бик еш туп ату, аңа кушылган залп, сугышчы гаскәр тавышы бик каты, бик якыннан ишетелә. Г.Ибраһимов. Ындыр тирәсендәге канауларга яткан мадьяр роталары аны залп белән каршы алдылар. Ш.Усманов. Әйе, патша дворецы буена тезелгән солдатлар, патша приказы буенча, шушы коралсыз халыкка төзәп, өч рәт залп биргәннәр. К.Нәҗми