ЗАДА’ТКА и. рус сөйл. Сатып алына торган әйбер, мөлкәт өчен түләнәчәк тулаем акчаның алдан бирелә торган өлеше; аванс. Задатка акчамны сорый башлагач, теге ике марҗа, задатканы кайтармау юлында булырга кирәк, шул кадәр колак төбемдә черелдәп кычкырырга тотындылар. Г.Тукай. – Күпме задатка алган идең? – дип сорады Һидият. Ш.Камал. Бай, алардан задатка алмыйча, чәйне төшерергә кушмады. Г.Камал