ҖИНАЯТЬЧЕЛЕК и. 1) Закон тарафыннан тыелган эшчәнлек, законсыз гамәлләр, җинаять эшләре. Бөтен җирдә җинаятьчелек, йогышлы чирдәй, көннән-көн күбрәк тарала. Ә.Еники. Алман халкын ут эченә куар алдыннан, Гитлер нимесләрнең тамагын туйдырды, --- җәмгыятьнең котын алып торган җинаятьчелекне юкка чыгарды. М.Юныс. Төрле республикалардан, илләрдән кергән чуар халык массасы җинаятьчелекнең үсеп китүенә сәбәпче булды. Мәдәни җомга

2) Җинаятьче булу. Җинаятьчелеген фаш итү