ҖЕПШЕКЛЕК и. 1) Җепшек булу, дымлы булу хәле. Һавада җепшеклек исе аңкып, борыннарга һәм бөтен вөҗүдкә язның якынлашканын белдерә башлады. Ф.Әмирхан

2) күч. Җиңеллек, киеренкелек кимү хәле. --- шул ук вакытта поэзиягә «Хрущёв җепшеклеге» чорында килгән буынның фикер төрлелеге, иҗат иреге ---, ничектер, югалып калды. Т.Галиуллин. Никита Сергеевич Хрущёв Сталинның һәм аның иярченнәренең илгә коточкыч фаҗигаләр китерүе турында доклад ясый. Ил вазгыяте «җепшеклек» («оттепель») кичерә. Күпмедер дәрәҗәдә халыкка иркенлек килә. Казан утлары