ҖАВАПЛАНУ ф. иск. Сорауга туры китереп җавап бирү. --- ул [Тукай] тагы шул үзенең: «Менә кеше сүзе белән, кешегә ияреп йөрсәң, шулай була ул, әйттем мин сезгә», – дигән сүзе белән җавапланды да, артык игътибар итмәде. Ф.Әмирхан. [Гөлсем:] «Юк, вакытлы гына киләмен, эшем генә бар», – дип җавапланды да, сүз киселде. Г.Исхакый. Берәү берәүне сыйлаганда, кунак берәр сирәк нигъмәт хакында «моны каян алдыгыз» дип төпченә башлаганда, алган урынын әйтәсе килмәгәндә, «Алла биргән» дип җавапланалар. Н.Исәнбәт