ЕЛТ-ЕЛТ иярт. 1. к. елт 1. Кояшка җылынырга чыккан кәлтә елан елт-елт яфраклар арасына кереп югалды. И.Гази

2. рәв. мәгъ. 1) к. елт 2. Алар, шөгыльләреннән туктап, тагын кем комачаулый дигәндәй, башларын күтәреп, муеннарын тырпайтып, елт-елт карагандай иттеләр. Г.Үзиле

2) Бер-бер артлы, тиз-тиз, еш. Карип абый елт-елт бер директорга карап куя, бер – Исмай әзигә, гаризасын язганчы, бөтенләй тирләп пеште. Ш.Алпар. Күзләрне елт-елт йому