ДУРШЛАГ и. нем. Суда җиңелчә пешереп алынган азыкны (токмач, дөге һ.б.ш.) саркыту өчен хезмәт итә торган, зур булмаган тишекләрдән торган чүмеч. Стовбуненко буфет чиләген табып алып килде: «Автол салып куйганнар, вәхшиләр. Дуршлаг та аларда икән, сөзгеч итеп кулланганнар». М.Юныс. Төнәтмәне кәстрүлдә килеш суыталар, дуршлагтагы үләннәрне кәстрүлгә сыгалар, сөзәләр һәм шешәләргә тутырып, бөкеләп куялар. Сәламәтлек календаре