ДЕМОКРА’ТИК с. Демократия принципларына нигезләнгән. Федератив дәүләттә, әгәр дә ул чын мәгънәсендә демократик федерация булса, сәяси тормышның төп үзәге милли парламентларда була. К.Фәсахов. Кемдер әйткән – онытканмын исемен дә, Фәкать шомлы сәер сүзе: «Бик дәү демократик империя җитәчәк, дип, үз башына үзе…». Л.Шагыйрьҗан

2) Демократиягә мөнәсәбәтле, аңа бәйләнешле, шуңа караган. Ул [«Кыйссаи Йосыф»] бер үк вакытта традицион мифологик сюжет мөмкинлек биргән кадәр җирле фольклор-эпос элементлары белән дә баетылып, табигый-реалистик һәм демократик рухлы мотивировкалар белән дә сугарылган. Ф.Фәсиев

3) Демократия яклы булган. Элеккеге «демократик» уеннар: куыш уйнау --- «шәткәли» (цифрлар язылган озынча шакмакны калак белән сугып уйнау) уйнаулар гомумән бетте. М.Мәһдиев