ДЕЗИНТОКСИКА’ЦИЯЛӘҮ ф. Агулы матдәләрнең организмга тәэсирен киметү яки бетерү, алар тәэсирендә бозылган функцияләрне кире үз хәленә кайтару; агусызландыру

Дезинтоксикацияләп алу Берникадәр, тиз арада дезинтоксикацияләү. АЭСта авария булу сәбәпле, кайбер эшчеләрне дезинтоксикацияләп алдылар

Дезинтоксикацияләп бетерү Дезинтоксикацияләүне тәмамлау; тулаем, тулысынча дезинтоксикацияләү

Дезинтоксикацияләп тору Һаман, әледән-әле дезинтоксикацияләү. Палаталарны гел дезинтоксикацияләп торалар

Дезинтоксикацияләп чыгу Һәрберсен бер-бер артлы яки башыннан ахырына кадәр дезинтоксикацияләү

Дезинтоксикацияли башлау Дезинтоксикацияләргә керешү

Дезинтоксикацияли төшү Тагы да бераз дезинтоксикацияләү