ДӘРЕСХАНӘ и. гар.-фар. Дәрес алып бару өчен билгеләнгән бүлмә, махсус бина; класс. Дәресханәдәге шәкертләр, матбагадагы хәреф җыючылар, --- парталар арасындагы мөгаллим-мөгаллимәләр – һәммәсе шул эшләрнең берәр кисәген ала. Ф.Бурнаш. Дәресханәдә көрәк кебек сакаллы, зур вә мәһабәт хәлфәләр, явыз телле, дәһри башлы, сүз бирмәс имансыз пишкадәмнәр арысландай бер ашкыну белән моназара итешәләр. Г.Ибраһимов