ГРАЖДАНЛЫК и. 1) Бер дәүләтнең гражданы булу хәле, подданныйлык, бер дәүләтнең гражданнарыннан исәпләнү. Гражданлыкның иң мөһим күрсәткече – ватандарлык тойгысы. И.Нуруллин

2) Гражданин булу белән бәйле хокуклар һәм бурычлар. Икенче көнне гражданлык хәлләрен теркәү бүлегендә никях теркәлеп кайткач, Шәфигулла агай Сәрвине яңадан «катын» дип йөртә башлады. Ф.Әмирхан. Ә Наполеон төзегән гражданлык кодексы бүген дә гамәлдә икән: Франциядә, тагын кайсыдыр илләрдә. З.Фәтхетдинов. Мин үземнең гражданлык бурычымны үтәдем дип саныйм. Һәрберегез берәр ел шунда барып эшләп карагыз әле! М.Маликова

3) иск. Армиягә, хәрби хезмәткә мөнәсәбәте булмаган гадәти тормыш