ГӨПЕЛДӘ’Ү ф. 1) Гөп иткән тавыш чыгу, шундый тавыш чыгару. Икенчеме-өченчеме каттан, Хәлисәдән күп булса илле метр ераклыкта, асфальтка нидер гөпелдәп төште. Ә.Гадел

2) «Гөп» иткән тавыш чыгарып нидер эшләү. Урманчык яңа эшчеләр, өстәмә техника белән тулды; кара төтен, сумала исе таралды, үзбушаткычлар әрле-бирле йөрергә кереште, экскаватор чүмечләре гөпелдәде. Ф.Баттал

Гөпелдәп тору Бертуктаусыз «гөп-гөп» иткән тавышлар чыгу