ГӨМБӘЗЛӘНҮ ф. Гөмбәз формасына керү; гөмбәзгә охшый башлау, ярымшар формасын алу. Тигез, шома итеп кырылган таш стеналарга, гөмбәзләнеп уелган түшәмгә төбәлеп ятасың да ятасың... Г.Гыйльманов. Миңа, казак илендә туып-үскән кешегә, бу яңа забой ошап китте. Ул киез өй кебек гөмбәзләнеп утыра. И.Салахов. Залның гөмбәзләнеп күтәрелгән түшәменнән тын гына музыка агыла. Поль Мориа оркестры уйный. С.Шәмси

Гөмбәзләнеп килү Аз-азлап, шома гына итеп гөмбәз формасына керү

Гөмбәзләнеп китү Кинәт гөмбәзләнү. Йөртеп ала кайчак яшел кырга Ярты гына ачылган күзен, Ара-тирә шунда карап ала Гөмбәзләнеп киткән күк йөзен. Г.Рамазанов

Гөмбәзләнеп тору Гөмбәз формасына охшаган хәлдә булу