ГОМЕ’Р-ГОМЕРГӘ рәв. 1) Һәрвакыт, гел, гомер бакый. Татар кызы гомер-гомергә бераз гына кырыс булган, горур булган. Н.Фәттах. Безнең умарталык гомер-гомергә авыл башындагы таллыкта иде. Ф.Яруллин. Бит Борынгы Владимир-Суздаль һәм Идел буе төрекләре, Болгар дәүләте гомер-гомергә сәүдә итеп көн күргәннәр. М.Хәбибуллин

2) Бөтен гомере буена. Адәмне гомер-гомергә үзен дөнья кочагына үстереп тапшырган туган туфрагы, нигез-оясы озата бара. Роберт Әхмәтҗанов