ГӘПТӘШ и. Әңгәмәдәш, бергә сөйләшеп утырган, әңгәмәдә катнашкан кеше. Гәптәшләр арасында зыялы гына кешеләр дә: врачлар һәм инженерлар, галимнәр һәм язучылар, укытучылар һәм җитәкче работниклар булгалый... Ә.Кәримуллин. Ул арада, әлбәттә, әни аш-су хәстәрләп, әтигә шыпырт кына табын янына күчү кирәклеген сиздерер, шуннан инде гәптәшләр күчеп утырышыр, әти үзенең кунагын сыйлап җибәрер иде. К.Миңлебаев. Уйлап әйтәсеңме син моны дигәндәй, гәптәшенә текәлеп торды. Х.Камалов