ГАГЫЛДА’У ф. 1) Каңгылдау, гайгылдау. Оядагы каз, ягымлы гагылдап, «га-га» дип, үзенең әле йомырка эчендәге бәпкәләрен иркәли. Г.Сабитов

2) күч. Ихахайлап көлү, гайгылдау. Тик монда --- бу юлы тын кысылып кына калмый, солдатлар, нигәдер, гагылдап көләләр иде. М.Мәһдиев

Гагылдап җибәрү Кинәт гагылдый башлау, гагылдарга керешү

Гагылдап тору Бертуктаусыз, гел, әледән-әле яки хәзерге вакытта гагылдау

Гагылдый башлау к. гагылдап җибәрү