ВӘГАЗЬЧЕЛЕК и. Вәгазьче булу; вәгазь уку белән мәшгуль булу. Кайбер тәнкыйтьчеләр --- Тукайның кайбер шигырьләрендә артык вәгазьчелек, әхлакчылык күрәләр. Җ.Вәлиди . Шулай булуга карамастан, аның беренче әсәрләре булган «Бәхетсез егет» белән «Өч бәдбәхет»тә, заман модасына бирелеп, берникадәр әхлак сату һәм вәгазьчелек тенденцияләре үткәрү юк түгел, ләкин алар нык кабартылып күрсәтелмиләр. М.Гали