БУМА’ ЮТӘЛ и. мед. Коклюш таякчыгы китереп чыгара һәм көчле ютәл белән үтә торган йогышлы авыру (гадәттә 10 яшькә кадәрге балаларда була); русчасы: коклюш. Бума ютәлнең яшерен чоры 3 көннән 15 көнгә кадәр дәвам итә. Иң шәп календарь. С.Җәлал ярдәмчел остазының бума ютәлдән интегүен, көннән-көн сүнә баруын күреп тора, аның газаплы вафатын авыр кичерә. Казан утлары. Туберкулёз, кызамык, кызылча, полиомиелит, гепатит, бума ютәл һәм паротит кебек авырулар кичерүнең ахыры бик аянычлы тәмамланырга мөмкин. Мәгърифәт