БЕРЛЕКТӘ рәв. Бергә, бергәләп. Булып дуслар белән берлектә даим, Гомернең тиз үтәр язын кичерсәм. Дәрдемәнд. Атаклы драматургыбыз Кәрим Тинчурин да, композитор Салих Сәйдәш белән берлектә, колхоздагы кискен көрәшне уңышлы чагылдырган «Кандыр буе» музыкаль драмасын дөньяга чыгарды. Р.Ишморат. Хакимият башлыгы белән берлектә мәчетне яңартырга, финанс мәсьәләләрен чишеп, хәтта 17 мәхәлләдәге имамнарга эш хакы түләргә мөмкинчелек туды. Р.Юнысов. «Единая Россия» сайлаучыларның илдә, ниһаять, реаль властьны кулына алып, президент белән берлектә хөкүмәтне формалаштыручы һәм илдәге реформалар, җәмгыятьтәге хәлләр өчен җавап бирүче партия барлыкка килсен иде, дигән өметләрен аклый. Татарстан яшьләре