БӘЙЛӘНЧЕКЛӘНҮ ф. 1) Бәйләнчек булып китү. Бу кыяфәте миңа ошамаганын әйтергә җөрьәт иттем. Доктор, үртәлеп, кулларын җәйде: – Бәйләнчекләнмә. Р.-Н. Гүнтәкин

2) Бәйләнчек булып кылану. [Егетнең] Куанычы сүрелде. Ул гадәттәгечә бәйләнчекләнә, ризасызлык күрсәтә башлады. А.Расих

Бәйләнчекләнә бару Торган саен ныграк бәйләнчекләнү

Бәйләнчекләнә төшү Бераз бәйләнчекләнү

Бәйләнчекләнеп алу Бераз, күпмедер вакыт аралыгында бәйләнчекләнү

Бәйләнчекләнеп бетү Тәмам бәйләнчекләнү

Бәйләнчекләнеп китү Кинәт, көтмәгәндә бәйләнчекләнә башлау

Бәйләнчекләнеп тору Һәрвакыт, әледән-әле бәйләнчекләнү