БАЛАВЫЗЛА’У ф. Ныклык, чыдамлык өчен, балавыз белән ышку, балавыз сеңдерү. Озынрак төпчекләрне шәм урынына яндырдылар, ә кыскалары белән карчык, әйбер теккәндә, җепне балавызлый иде. Г.Андерсен

Балавызлап алу Тиз генә балавыз сеңдерү

Балавызлап бетерү Тоташ, барысын да балавызлау; ахырга кадәр балавызлау

Балавызлап җибәрү Бераз балавызлау

Балавызлап җиткерү Тиешенчә балавызлау

Балавызлап кую Алдан ук балавызлау, күптән балавызланган хәлгә китерү

Балавызлап тору Вакыт-вакыт, әледән-әле балавызлау . --- сызгычны көйләп, майлап-җайлап, балавызлап торырга кирәк, җил-яңгырдан саклар өчен, тартма-футлярда йөртү дә шарт. Р.Әхмәтҗанов

Балавызлап чыгу Башыннан ахырына кадәр, барсын да балавызлау

Балавызлый бару Рәттән балавызлау

Балавызлый башлау Балавызларга керешү

Балавызлый төшү Бераз, беркадәр балавызлау