БАКЧА’ ТӘМӘКЕСЕ и. 1) Паслёнчалар семьялыгыннан, себеркәч чәчәк төркемле, төнлә чәчәк ата торган хуш исле бакча үсемлеге, тәмәке. Бигрәк тә бакча тәмәкесе чәчәк аткан чакта кәефе шәп була Мәсәлимнең. Д.Бүләков

2) Шул үсемлекнең яфрагын киптереп төйгән ачы өй тәмәкесе; махорка. Шул арада Талип кесәсеннән кечкенә итеп кәгазьгә төргән бакча тәмәкесе һәм шырпы чыгарып күрсәтте. Ә.Фәйзи