ӘЧЕТКЕ и. сөйл. 1) Чүпрә урынына файдалану өчен калдырылган әчегән камыр кисәге; камыр башы. Әчеткесене, чүпрәсене инде Галәветдин генә алыр. Г.Исхакый

2) диал. Бәрәңге, ашлык, көрпә катыштырып, болгатып, кош-корт өчен әзерләгән азык

3) күч. Эшләнеш дәрәҗәсе; алынган тема. Әчеткенең сыйфатына бәйләнә башлады мөхәрриребез: «Булмаган бу! Әчүе дә җитмәгән, үзе – сыек…» – дип тезә башлады. Т.Нәҗмиев